Ötən həftə Azərbaycanın təhlükəsizlik və müdafiə sektorunda daha iki hərbi qulluqçunun həyatını itirdiyi bildirilib. Hər iki hadisə ilə bağlı rəsmi qurumlar açıqlama verməyib.
İyulun 15-də Dövlət Sərhəd Xidmətinin (DSX) hərbi qulluqçusu, baş çavuş Fərid Ağamalıyevin vəfat etdiyi iddia olunub. Hadisə ilə bağlı məlumat və fotolar iyulun 18-də sosial şəbəkələrdə yayılıb.
DSX hərbi qulluqçunun ölümü ilə bağlı hər hansı açıqlama verməyib. Məlumatı yayan bir sıra hökumətyönlü media resursları isə sonradan həmin xəbəri siliblər.
İyulun 17-də Müdafiə Nazirliyinin hərbi hissələrindən birində xidmət edən Ələkbər Rizvan oğlu Quliyevin təlim zamanı paraşütün açılmaması nəticəsində həyatını itirdiyi iddia olunub.
O, doğulduğu Biləsuvar rayonunun Əliabad kəndində torpağa tapşırılıb. Hadisə barədə məlumat, foto və videogörüntülər sosial şəbəkələrdə dərc edilib.
Xəbərin davamı: shorturl.at/EpI32