Qubada sosial şəbəkədə polis əməkdaşının ünvanına nalayiq ifadələr yazmaqda təqsirləndirilən 2-ci Qarabağ müharibəsi iştirakçısına 8 sutka inzibati həbs verilib.
“Abzas Media”nın əldə etdiyi məlumata görə, Quba Rayon Məhkəməsi sentyabrın 23-də Cək kənd sakini barəsində İnzibati Xətalar Məcəlləsinin 510.2-ci maddəsi ilə qərar çıxarıb.
Məlumata görə, işə hakim İbrahim Qazıbəyovun sədrliyi ilə baxılıb.
Məhkəmədə ifadə verən polis nəfəri bildirib ki, həmin şəxs “TikTok” sosial şəbəkəsindəki hesabdan polis əməkdaşının ünvanına nalayiq ifadələr yazıb. Bundan sonra o, Quba Rayon Polis Şöbəsinə aparılıb və barəsində inzibati xəta protokolu tərtib olunub.
Məlumata görə, həmin şəxs əvvəlcə inzibati qaydada saxlanılıb, daha sonra sərbəst buraxılıb, sonradan yenidən tutularaq məhkəməyə gətirilib.
Davamını oxuyun: shorturl.at/jq17f